Der Wäg isch leng

Acho si wer gad letscht Nacht
und hei sofort di Nacht zum Tag gmacht
Das geit hie eifach will di ganz Ziit z Liecht brennt
das hei wer so scho vam letschtu mal güet kennt

Es paar Sache sind jetz annerschd
aber vil isch immer no glich
Und epis isch und bliebt jedefall so
hie chunsch ganz sicher nid riich

Hie siwer nid zum letscht mal gsi
das isch ganz klar
Hie chäme wier nomal verbii
in es paar Jahr
Äs isch immer wieder schön dich mal cho z bsüechu
aber ich bi glich es bitzji froh,
dass der Wäg zu dier so leng isch

Äs isch en wunderbare Abschied wordu
wier hei iisch gfühlt als wär‘wer neu giboru
Va endi Abu weiss zwar niemerd me wirkli vil
das isch doch glich und kehrt doch hie irgendwie zum Spiel

Summi Sache sind annerschd
aber vil isch immer no glich
Und epis isch und bliebt immer so
hie chunsch ganz sicher nid riich

Hie siwer nid zum letscht mal gsi…

Solang die Wirfla no fleigund
und das Rad schich no dräht
Solang di Charte chämund
und nimme en einzigi fählt
(und nid emal en einzigi me fählt)


Dü bisch scho da

Dich kenni gläubi
wier hei iisch scho mal gse
weiss leider nimme we
aber gschittlut hets mi schee

Dich kenni gläubi
bisch gad churz hie gsi
wier hei iisch in d Eugu glüegt
doch fer z redu fählt der Müet

Und immer wieder mal blieb ich gad staa
und deichu uber d erscht Begägnig na
was chund derna?

Egal wan ich eu ga,
irgendwie bisch dü scho da,
irgendwie bisch dü eu da

Dich kenni gläubi
wier stäh näbunand
aber niemerd seit es Wort
welle wier emal zämu fort?

Dich kenni gläubi
und jetz is mer klar
mit dier wär’s sicher wunderbar
si ächt wier nid spaat es Paar?

Und immer wieder mal blieb ich gad staa
und deichu uber d erscht Begägnig na
was chund derna?

Egal wan ich eu ga,
irgendwie bisch dü scho da,
irgendwie bisch dü eu da


Neuji Erinnrige

Äs git Güeti und eu Schlächti – Gitreumti und Ächti
Äs git Alti und eu Jungi – Äs git Kantigi und Rundi
Äs git settigi wa bliebund – wa schlächti Lüüna vertriebund
Verschwummuni und Klari – Erfunduni und Wahri

Bilder im Gedächtnis, wie es Tagebüech

Äs isch z lachu, z zellu, z kritisieru
Gmietli z si und nid z pressieru
Zfriedu und de glich eu hienta trüürig z si
Äs isch z strahlu wie der goldigscht Güegu
Vorwärts und nid rückwärts z lüegu
Schön is va Härzu z lachu
und neuji Erinnrige z machu

Äs git scho lang Vergässni – Schüüchi und Vermässni
Nahträglich Optimierti – Und zituwiis Frisierti
Äs git Dunkli und eu Helli – Langsami und Schnälli
Summi mächund ganz fescht weh – zum Glick gits va de anndru me

Bilder im Gedächtnis, wie es Tagebüech

Äs isch z lachu, z zellu, z kritisieru …

Äs isch en Schwarz-Wiis-Film in schöne Farbe
En Verletzig ohni leidi Narbe
Äs isch epis Neus und glich bekannt
Äs isch en neue Look in altum Gwand

Äs isch enz wiit wäg und glich ganz noch
Äs isch teif im Grund und glich ganz hoch
Äs isch en annri Sprach und glich z verstah
Äs isch zer Hälfti und zum Endi z ga

Bilder im Gedächtnis, wie es Tagebüech


De wird alles güet si

Äs isch niggs wand wirkli willd
oder wand dü jemals dra gideicht hesch
Aber säg mer is nid so,
das wand dü gsesch macht dich glich froh

Chasch dü wirkli alli Stärna gse?
Isch das gnüeg oder willd no me?

Eso wies isch, is z einziga fer dich
und dü blibsch dra, bis dü mal müesch ga, mal müesch ga
Warum willd de nid, dass alls en Sinn ergit?
Dü blibsch glich dra, bis dü mal müesch ga, mal müesch ga

Äs isch niggs wani wirkli will oder wani jemals hätti wellu
Aber so wies jetzu klingt isch nid alls eso wies schiint

Chasch dü wirkli alli Stärna gse?
Isch das gnüeg oder willd no me?

Eso wies isch, is z einziga fer dich …
und de wird alles güet si, wird güet si, de wird’s güet si,
eifach alles wird de güet si

Chasch dü wirkli alli Stärna gse?
Isch das gnüeg oder willd wirkli no me?

Eso wies isch, is z einziga fer dich …
und de wird alles güet si, wird güet si, de wird’s güet si,
eifach alles wird de güet si…

wies isch gsi, äs wird güet si, wies wird si


Danke schön

Äs git Liit, di mächund einum Freid
de gits andri, di tiender d hälfti Ziit nur Leid
Äs git Engla, deru kenni eu es paar
de gits no Tiifla, dene begägni leider eu har und dar

Aber mit dem hän ich kei Mieh
solang dass ich vor allum d Engla cha gse

Ich sägu danke schön, eifach dass ew git
Merci vilmal, dass dü en Teil va minum Läbu bisch
Härzliche Dank, äs isch en riesu Freid
Danke an alli, fer di Begleitig uf iischer Reis

Hienta mal müesch uber dine Schattu springu
machs fer d Engla und dass der Tiiful eifach nid cha gwinnu

Und mit dem hän ich kei Mieh
will nur no d Engla, aber der Tiiful nimme gse

Ich sägu danke schön, eifach dass ew git
Merci vilmal, dass dü en Teil va minum Läbu bisch
Härzliche Dank, äs isch en riesu Freid
Danke an alli, fer di Begleitig uf iischer Reis


Belalp

Lüeg emal di wunderbar Gstaalt
obina wild und spitz, mit Furche
unnina schöni rundi Kurve
als hättis en Künschtler gmalt

Im Summer bisch dü obina grau
unnina grie und voll mit Läbu
und im Winter zeigsch dich de gäru
in dinum schönu wiissu Kleid

Obwohl dü wunderschön üsgsehsch
is de nid ganz fair
nur uber dini Schönheit z singu
das isch wirkli nid schwär

Äs git vil me va dier z erfahru
und diner ganzu Pracht
wemu bi dier isch und sus züelaht
de gspirt mu dini Chraft

Belalp, Belalp
wie heiwer epis schöns wie dich verdient
Belalp, Belalp
so schön dass mich ganz tief im Härz beriehrt

Der Üsblick embri in z Tal
isch schön wie bim erschtu mal
Di ganzu Bärga z gse
und uf de hegschtu hets no Schnee
Aber erscht wemu va dier wäg geit
und uf der anner Sita steit
wird’s de klar
dü bisch einzig wunderbar


Chind

Dü lüegsch schi a, lüegsch hie und da und de gsesch sus ganz genau
Äs isch so wunderbar und di Eugu so schön blau
Lüeg mal das Lachu isch vam Grossvater gsi
Und lüeg emal, di Händ sind no so chlii

Dü geisch vora und de chämund schii dier na
Lüegunder züe und de mächundsch ders gad na
Hienta geits eifach und hienta eu biz schwär
Doch uf jede Fall is jede Üfwand wärt

Und eso, äs isch eso
ob Papa, Mama, Onkul, Tanta, Getti oder Gotta bisch cho
Eso, äs isch eso, will jede seit das stimmt
was wäri wier de ohni d Chind?

Dü machsch der Sorge ob ächt alles güet wird cho
„Wärdis schüenu oder häni mi uberno?“
Di Ziit wird’s zeigu aber ich gläubu ganz fescht dra
So wie wier das mäche cha niggs dernäbu ga

Und eso, äs isch eso
ob Papa, Mama, Onkul, Tanta, Getti oder Gotta bisch cho
Eso, äs isch eso, will jede seit das stimmt
was wäri wier de ohni d Chind?


Schöni Sorge

Ich weiss no genau an jenum Abu
dü hesch alles uberstrahlt
Äs het mi da gflasht wanis nid hä erwartut
jetz wellti dier nummu no necher cho

Aber dich schiints nid z steeru
wäder der Abu no ame andru
und wie soll ich dier sägu was das mit mier alles macht
das ich va dier am treumu bi, jedi einzel Nacht

Äs sind schöni Sorge
und ich wellti jede Morge
näbu dier erwachu und mit dier alles machu
und ich wellti dich verwennu
Ja ich wellti dich verwennu

Nur es paar Werter heind scho glengt
und ich hä niemerd suschd me kennt
Eso es Lachu hän ich no nienu gse
ich hä no nid gnüeg, va dem will ich no vil vil me

Aber dich schiints nid z steeru
wäder der Abu no ame andru
und wie soll ich dier sägu was das mit mier alles macht
das ich va dier am treumu bi, jedi einzel Nacht

Äs sind schöni Sorge
und ich wellti jede Morge
näbu dier erwachu und mit dier alles machu
und ich wellti dich verwennu
Ja ich wellti dich verwennu


Aletschji

Scho weni am Morgu früe üfstaa, wellti am liebschtu alls la staa
d Sunna schiint und Wolke gseni nid

Mim Bähnli embrüf und de afa leufu, bim Kiosk no epis z Trichu ga cheufu
en chliini Pause, was no epis z Hängertu git

Name Schutz z Aletschbord verlaa, d Steigle emab und de witer dum Wäg naa
No zwei Wägwiiser und de siwer scho fascht da

Weni der Aletschgletscher gse, di Schaf und di Geiss und no vil me
ganz unnina d schwarzu Schtäche und di schönu Schottu so gse staa
De bini zfridu wie suschd nie, als chenti gad z Unmeglicha gsche
und de gits niggs me uf der Wält wa mier no fählt
Weni der Aletschgletscher gse - weni im Aletschji cha si

Vil lieber als eswa ame Strand, bin ich hie im Aletschji umanand
iner wunderbar Natur was nummu hie git

Eleinzig z ga brücht no es bizji Müet, erscht flotti Gsellschaft macht das Ganza güet
im Aletschji triffsch nummu flotti Liit

Und de eismal im Jahr sind alli da, fer bim Kapälli in d Jodlmäss z ga
Das isch der schönschtusch Tag im ganzu Aletschjahr

Weni der Aletschgletscher gse, di Schaf und di Geiss und no vil me
ganz unnina d schwarzu Schtäche und di schönu Schottu so gse staa
De bini zfridu wie suschd nie, als chenti ins Unendlicha gse
und de gits niggs me uf der Wält wa mier no fählt
Weni der Aletschgletscher gse - weni im Aletschji cha si

Am Abu wenns still wird und der Mond uber alles schiint
de chamus bestüünu, das ungläublich Schtärnubild
und de chasch schtudieru, ob ächt alls wirkli wichtig isch
is nid besser eifach z gniessu? Es Tagsch geits iisch doch alle glich


Chasch mer sägu

Äs git ab und züe so en bsundre Momänt
wamu schich biz zwit usum Feischter lähnt
und sus eifach nid begriift
das mu schich gad zimli fescht im Ton vergriift

Eu we mus nid so meind wies tent chennund Werter glich biz weh tüe
Trotzdem säg ich dier jetz glich und lieb
mach doch eifach witer wenns der so güet tüet

Chasch mer sägu ich sige en Nool
ich fühlu mi glich no wohl bi dier
Säg ich sige en Geuch
iische Striit isch nummu Schall und Reuch
Solang wier zämu stäh und nid gitrennti Wäga gä
solang chanisch niggs passieru, so chenne wier iisch nid verlieru

Äs isch hienta mal scho zimli fescht zum lachu
wägu was mu schich der Grind cha machu
zum Glick geitsch de meischtens nid so lang
di miehsam Ziit va dem Gschtürm und Drang

Und de d allergregscht Belohnig isch de d aschliessund Versöhnig
Und darfer trotz der churzu Quale
chum säg mer nomal alli Zahle

Chasch mer sägu ich sige en Nool …
Solang dass iisch nid stehrt, dass jede no schich sälber kehrt
solang chanisch niggs passieru, so chenne wier iisch nid verlieru

Chasch mer sägu ich sige en Nool …
Solang wier iisch nid verrenne und iischi Seele nid verbrenne
solang chanisch niggs passieru, so chenne wier iisch nid verlieru

Chasch mer sägu ich sige en Spinner
das verzieh ich dier doch immer
Säg mer ich sige en Gloon
ich kehru d Müsig mit dum Ton
Solang wier nid z fescht stritte und darmit d Iischziit ilitte
solang chanisch niggs passieru, so chenne wier iisch nie verlieru


Älter cho

Dü gschpirsch sus biz hie und dü gschpirsch sus es bizji da
Jede Tag epis neus, Hitu weisch no nid genau wa
Was soll de das jetz, dass‘sch Geschter doch no nid da gsi
soll ächt das jetz so bliebu oder geits ächt verbii?
Äs isch so wies isch und äs kehrt jetzu halt derzüe

Äs zwickt biz im Chriz und dü gsesch nimme ganz so güet
Wägs de Haar brüchsch en Chappa wenn d Sunna schiinu tüet
Und z leufu isch Friener eu besser gangu
aber la di wägs dem jetz nid z fescht la hangu
Äs isch so wies isch und äs kehrt jetzu halt derzüe

Wennd junge bisch isch alls es bizji annerschd
Aber annerschd cha hienta eu schlächter si
Si doch ehrlich, äs git es par Sache wa später eifach besser sind

Dü seisch mer älter cho heigesch dü nid gäru
aber z einzig Mittl dergägu das isch jung z stärbu
is de das wand dü willd oder hättisch wellu?
das chasch eme anneru Zipfl verzellu

Älter cho het niemerd wirkli gäru
aber grauer und glichzitig erfahruner z wärdu
isch doch glich epis schöns und ich bliebu derbi
äs isch en ganz flotti Sach, dass wer si wie wer si

Wennd z spaat ässu tüesch de gschpirsch sus später iner Nacht
wägu dem wärisch friener nid eismal z früe erwacht
Jetz selltisch am Mabu halt liechters ässu
aber na es paar Täg hesch sus scho wieder vergässu
Äs isch so wies isch und äs kehrt jetzu halt derzüe

Wie en alte Plattuspieler und en alte Röhruverstärcher
di bringsch eifach nid nider und güeti Müsig tent da druf wächer


Immer no glich

Es paar di deichund eso
und sägund epis anners.
Andri bliebund eifach still

Uf der Reis Richtig Züekunft
cha ganz schön vil passieru
dü müesch sus so nä wies chund
mal schnäll und mal langsam pressieru

Ich bi immer no hie, eiguntli nie wiit wäg gsi
und äs isch so wies soll si,
eso wies immer scho hätti chennu si
Äs isch immer no glich, bisch der sälber im Wäg gsi
z ändru wär nid so schwär,
wemu doch nur nid so furchtbar stur wär
Äs isch immer no glich…

Und bis zum Endi vam Wäg
liggt nid alles in diine Händ
und doch müesch dü dem Wäg na

Uf der Reis Richtig Züekunft
cha ganz vil Schöns passieru
dü darfsch sus so nä wies chund
mal schnäll und mal langsam pressieru

Ich bi immer no hie, eiguntli nie wiit wäg gsi..

Eu wenns der nid so gfallt, sums müesch halt so la bliebu
äs git anners wa me üffallt, mal lüt, mal lieslich schwiegu

Ich bi immer no hie, eiguntli nie wit wäg gsi …

Fer dich en neuji Ziit, het wirkli sovil gwägslut?
Heinsch der scho sovil gno, dass das wirkli sowit het miessu cho?
Äs isch doch immer no glich, bisch der sälber im Wäg gsi
z ändru wär nid so schwär, wemu doch nur nid so furchtbar stur wär
Äs isch immer no glich…